अमित शाह ल ठेठरी खुरमी खाय बर भूपेश ह दिस नेवता

रायपुर। शनिवार के छत्तीसगढ़ के लोक पर्व पोरा तिहार हरे। ये दिन तीजा के पहिली बेटी माई अउ सगा पहुना मन ल ठेठरी खुरमी फरा चीला खाय बर घरो- घरो बुलाते। प्रदेश के मुखिया भूपेश बघेल ह घलो अपन निवास में नेवता करते,नांदी बैला अउ पोरा,चुकिया,जाता के पूजा करथे। इहू दारी पोरा और हरितालिका तीज पर्व के आयोजन करे हावय। केहे जाए पोरा तिहार के अपन छत्तीसगढ़ी पहिचान अउ चिन्हारी ल देश दुनिया म अउ बगरावत हे। हमेशा कुछ न कुछ नवा करके चरचा में रवहईया बघेल ह फेर चरचा में आ गे,काली केन्द्रीय गृह मंत्री अमित शाह रायपुर आवत हे,बघेल ह फोन करके अमित शाह ल घलो नेवता दे हे छत्तीसगढ़ के लोक संस्कृति के रंग ल देखे बर। अपन मिट्टी ले जुड़े तिहार कैसे उल्लास के संग मनाथे छत्तीसगढिय़ा मन ऐला देखे खातिर बर- छत्तीसगढ़ी कलेवा के स्वाद चखे बर शाह ल नेवते हवय। अब देखना हवय कि शाह ह ठेठरी खुरमी खाय बर बघेल कर जाथे कि नहीं।
एनआइए के नए भवन का उद्घाटन करने कल आ रहे शाह-
बता दें कि शाह 27 अगस्त को नवा रायपुर में एनआइए के नवीन कार्यालय भवन का उद्घाटन करने के लिए आ रहे हैं। बघेल कार्यक्रम के विशिष्ट अतिथि होंगे। कार्यक्रम दोपहर ढाई बजे शुरू होगा। शाह और बघेल का उद्बोधन भी होगा। कार्यक्रम में एनआइए के महानिदेशक दिनकर गुप्ता भी उपस्थित रहेंगे।